PROCLAMATIE

Heed’n, ‘n zesdn van de louwmoand van ‘t joar tweedoezend en achtteen, bin ik,

Markies Jasper 1, 
bie de gratie van ‘t Bestuur van de Siepeljonkers en van Vorst Jesse met zien’ doarn Road van Elf kozn tot ‘n tweentwintigstn Markies van de Stad Oatmössche.

Um an te kunnigen”

1. Hee is ‘n grootstn skydiver zoonder parachute.
2. Hee hef wa 22 wekkers nöädig om op tied te komn.
3. Hee döt tehoap met ne roare en ne witte pluk.
4. Hee is ‘n grootstn knooierd bie de waagnbouw.
5. Hee is ‘n grootstn Akela bie de Scouting.
6. Hee dreenkt leever koffie dan dat-e an ‘t wark is.
7. Hee is ‘n oaldiezerboer van de Hora Siccamastroat.
8. Hee is de snapchatkoning van Moekotte.
9. Hee verslit mear slippers dan warkschoon.
10. Hee is nen bestn schoonzön van nen trotsn groot-annemmer.
11. Hee is ‘n tweentwintigstn Markies van de Siepeljonkers.

D’r wodt van mie en miene adjudanten Mike en Sander vewocht da’w oeleu bod doot van oonze regearingsplan’ veur ‘t joar tweedoezend en achtteen.

Proclamatiepuntn

Ten earstn:

Wie daagt het trio van veurig jaar oet um  nen kloatscheetwedstried te organisearen tusschen de oale veursprekkers en de oald-markiezn.

 

Ten tweedn:

Wie vewocht van de hofdames dat ze oonze kleare en oonze schoon, noa ieder feest wasschet en poetst.

 

Ten daadn:

Wie hopt dat oonze kammeröäre metloopt in ‘n optocht.

 

Ten vèèrdn:

Wie vewocht van het bestuur en ’n Road van Elf dat zee regelt, dat wie 1 moal noa bin’ zölt  trekn met ’n köppelke mooie daanswichter.

 

Ten viefdn:

Wie daagt het trio & ‘n hoffotograaf van de Othmarridders oet veur ‘n pötke volleybal met het Siepeljonkers-beachvolleybal-toernooi.

 

Ten zesdn:

Wie goat d’r van oet dat Dwayne Spaltman zorgt dat oons gevolg  ne onmeundige kees- en wostplank krig met de Zitting van zoaterdagoamd.

 

Ten zeumdn:

Wie vewocht dat wie ’n moal as “Pupil van de week” op de baank majt zittn bie KOSC 8.

 

Ten achtsten:

Wie goat d’r van oet dat de Vuurwerkcommissie de Wagenbouw-  en de Kledingcommisie in het 22e joar, oons onthaalt met 22 fakkels.

 

Ten neengdn:

Wie hopt dat Kapabel ons één moal noar bin’ hen trek, en dan antrokn as clowns!

 

Ten tiendn:

Wie vewocht dat oonzn hoffotograaf Stef Kamphuis nich alleen selfies, mear ok foto's van andere leu maakt.

 

Ten elfdn:

Wie vewocht dat alman zich hoalt an oonzn liefsprök:

Nen echtn Siepeljonker wet wa hoo ‘t moet,
wie hangt a 22 joar de clown oet!

Gevn in miene veste Othmarsheim, ‘n zesdn van louwmoand van ‘t joar 2018.